【維省明上演三項一級賽 「投機法寶」攻未來錦標】

Homan

19 February 2021, 1:43:07 pm

澳洲聽日繼續會有大賽上演,當中考菲爾德馬場會上演三項一級賽。

當中第六場既未來錦標,葉森讓賽冠軍「投機法寶」(Probabeel)上場縮程於三級賽貝爾文錦標初出,順利輕鬆贏馬。今場增程1400米出戰,排9檔續配連達文成焦點之一。另一焦點當然係季初兩勝一級賽既南澳賽駒Behemoth,年初於南澳兵不血刃贏馬,今場黎到維省改配岳禮華,排得2檔,亦不容忽視。而春季嘉年華贏得考菲爾德錦標及麥堅倫錦標既西澳代表Arcadia Queen,今場為年內初出,排得8檔。而上年考菲爾德堅尼冠軍「童夢奇才」(Ole Kirk),今場則排1檔,首配麥維凱。今場有多匹賽駒或會出戰All Star Mile,相信會係大賽前最後一戰。

而兩歲一級賽藍鑽石錦標,焦點為兩戰全勝既Enthaar,由於兩場取勝姿態都相當輕鬆,理所當然成為眾人焦點。然而,最後試跑後曾被發現不良於行,但賽前最終通過獸醫檢查順利出賽,未知不良於行對影響有幾大,但至少14檔亦是考驗之一,幕後相信呢匹雌馬可以贏得一級賽,且看今仗能否延續勝軌且贏得一級賽。於藍鑽石錦標Preview及Prelude都取得頭馬既General Beau,今仗抽得3檔,續由手風大順既賈傑美策騎,亦係機會馬之一。三匹高多芬代表當中,岳禮華策騎既Anamoe上場雖然輸比General Beau,但所造時間仍比同主既Arcaded於另一場預賽所造出既仲好,但排15檔亦唔容易。而Arcaded則排1檔。

而渥利盾方面,,強如「綠化帶」(Nature Strip)當年係呢場都係贏唔到,今年繼續亂局。近四戰全勝既Ancestry成為熱門,今仗排得4檔且中磅,主動領放跑法為主既Ancestry相信會較有利。而排係佢內側既西澳馬Celebrity Queen,上場雖然輸比突然復甦既「后土佳兒」(Kementari),但佢勝在穩定,今場睇佢可唔可以保持到喇!而上年藍鑽石錦標亞軍Hanseatic,今季表現失望,今場仲要排最外檔,睇下可唔可以交番之前追勢喇!

Source: Racenet