11 February 2020 at 3:04:49 am
同上個月既經典一哩賽一樣，今屆既經典盃都唔會出足十四匹。
兩星期後既香港經典盃得十匹報名馬。當中經典一哩賽冠軍「金鎗六十」已經係二月九同十號缺過課，今日就出番黎機場踱步。之前有消息所言，佢將唔會出戰呢項四歲系列賽事，劍指打吡。
而經典一哩賽既第二至第四名都有報名。呂健威另一匹機會馬「幸福笑容」有指會換上潘頓，以佢上場既走勢，增程會更加合適。而兩匹上緊黎既馬「精神威」同「孖寶兄弟」都會初次出戰四歲系列賽事，睇下可唔可以壓倒一眾強手喇！
Source: HKJC
