【經典一哩賽報名 「達心星」掛頭牌】

Homan

四歲經典系列賽事首關經典一哩賽1月24號舉行,今日馬會公布報名馬名單。

有23匹馬報名出爭呢項賽事,只有14匹可以出賽。方嘉柏訓練既「達心星」以103分掛頭牌。上仗於月初華商會挑戰盃得亞軍,但季內表現穩定,相信都會係焦點所在。而琴日落敗既,同樣季內三勝既「勁搏」都有報名,抖左咁耐,有場熱身戰,係咪可以及時回勇呢?

羅富全雖然無為「夢想成金」報名,但季內2W既「健康愉快」及「天駟」都於名單之內,「天駟」現時於評分排第15名,未知最終會否入選。

而大衛希斯及沈集成係最多報名馬既練馬師,兩個都有四匹。前者有三匹評分於14名以內,但只得「包裝永勝」於香港跑過入位置。而沈集成就有「飛輪閃耀」及「知道必勝」於14名內,「飛輪閃耀」於來港後取得一冠一季,適應得唔錯。

優先出賽次序將於稍後公布,評分較高賽駒並不一定可以入選,據知季內表現亦會係考慮因素之一。你地又覺得邊匹賽駒可以贏得今屆經典一哩賽呢?

Source: HKJC