【紐西蘭恢賽無期 寶遜考慮轉到澳洲長駐】

Homan

20 April 2020 at 3:35:27 pm

紐西蘭前領騎師寶遜於剛過去既秋季嘉年華成績相當出色，取得三項一級賽冠軍包括諾頓錦標（「狂鯊」（Te Akau Shark））、澳洲打吡（「思想敏捷」（Quick Thinker））及全齡錦標（「北意山峰」（Tofane））。

寶遜同傳媒透露佢正考慮與家人一同移至澳洲，繼續佢既策騎生涯。尤其是現時紐西蘭並未有任何復賽時間表，要繼續策騎需要到外地，而澳洲就係比較近既一個。佢認為澳洲現時閉門作賽措施及政策配套做得相當唔錯，佢預計自己聽日啓程番去紐西蘭處理私務，抵達後需隔離十四日。

係呢十四日入面，佢會同佢老婆傾下同認真考慮轉移策騎基地既可能性。由於不少佢策騎開既紐西蘭馬都會繼續留係澳洲備戰春季嘉年華，故寶遜當然希望留下幫手，尤其是而家澳紐兩邊走閒閒地都冇左二十八日。

Source: Racenet