Homan

19 January 2021 at 7:52:38 am

上年6月屬於日本岐阜地方競馬組合笠松賽馬，有3位騎師及1位練馬師被指違反當地競馬法，購入賽馬彩票。

岐阜縣警當時已搜查佢地住所，四人及後並未申請續牌離開馬圈，縣警指佢地4個總共得益為1億日圓（約七百四十五萬港元）。

正當以為事件就此落幕，當地警方與名古屋稅局琴日再展開行動，調查近20人，包括騎師及練馬師等。名古屋稅局指有2億日圓（約一千四百九十萬港元）得益並未有上報，且於佢地既住所中搜獲大量現金。

當地警方指當地騎師及練馬師根據各馬房消息，如熱門馬腳痛、參賽馬賽前流鼻血等內幕消息，並透過他人投注戶口投注。彩票命中後，除左中介費外，會以現金方式交予投注既騎練。因此，呢啲涉案既騎練屋企有大量現金。笠松競馬今日起停止賽事，直至另行通知。

Source: 産経WEST / 中日スポーツ