【笠松騎練賭馬案 獨立調查完成 處罰決定】

Homan

23 April 2021, 7:50:41 am

早前日本笠松競馬組合爆出騎練投注醜聞,有四名騎練因而不獲續牌。但處罰後再發現有其他騎練都有參與投注(相關報導: https://bit.ly/3ayxf8V

為左恢復公眾信心,當地成立左獨立調查委員會詳細調查每個騎練,而當地賽事亦一直暫停至5月14日,或有機會再延長。調查結果於今月初公布,無論騎師、練馬師及馬房助理都違反規定參與投注(包括早前四位不獲續牌既騎練)。獨立調查委員會指出當中12位騎練以合作形式於2012年至2020年6月期間利用手提電話參與笠松賽事投注,僅2013至16年間,利潤達1億4000萬日圓(約一千萬港元)。

委員會進一步調查騎師有否造馬,但經過會面後,委員會認為各騎練都有為其賽駒推供最佳爭勝機會,只合作參與投注,違反當地競馬法。委員會指出笠松馬場對於騎練被發現帶手提電話處罰寬鬆,未能對騎練帶來阻嚇作用。佢地建議應嚴懲以確保賽事公平。

12位騎練當中,四位不獲續牌既騎師佐藤友則、島崎和也、山下雅之及練馬師尾島徹元將無限期禁止參與賽馬有關活動。而騎師大塚研司、吉井友彦及練馬師花本正三及東川公則就禁止參與賽馬有關活動五年。練馬師湯前良人就被禁兩年。三位騎師池田敏樹、筒井勇介及高木健則被禁半年至一年。

由於有頗多騎練被罰,笠松復賽初期騎練人數或不夠,睇下會唔會有其他地方既騎師會前來客串。如果持續唔夠人,投注額受影響,對影響笠松馬場既存亡。

Source: サンケイスポーツ / gifu-np.co.jp
Photo Credit: 地方競馬