【競爭激烈】布宜學緊追莫艾誠 英國冠軍鹿死誰手

Homan

5 October 2021, 4:25:58 am

法國凱旋門大賽後,歐洲大賽期進入尾聲,焦點又番去英國。

今年英國冠軍騎師之爭相當激烈,尤其去到平地賽季只餘十多日,領先騎師未能以雙位數領先群雄。現時以143場頭馬位於榜首嘅係兩屆冠軍莫艾誠。雖然於今年平地賽季前因樣本含可卡因而坐馬監,但開季表現相當出色,曾一度拋離其他騎手至少十多場頭馬。不過,布宜學奮力追趕,現時贏得134場頭馬,只落後9場頭馬。

布宜學上年仍於馬季尾聲狂追,最終未能阻止莫艾誠衛冕。莫艾誠接受訪問時透露,英國冠軍騎師爭奪戰仲未完,認為布宜學有好多好座騎,絕對唔可以鬆懈。英國馬季將於英國冠軍賽馬日完結,屆時若兩人差距收窄至三、四場的話,相信除左睇一級賽嘅參戰馬外,另一個焦點就係邊個可以贏到英國冠軍騎師喇!


Source: Racing Post
Photo: Racing Post