Homan

3 October 2020 at 1:45:01 am

法國馬會近日公布五匹賽駒對瘦肉精呈陽性反應，馬匹飼料牌子Gain Equine Nutrition宣布旗下飼料很大機會受瘦肉精污染，建議練馬師停用呢批飼料。

練馬師岳伯仁係今次事件既受害者之一。佢旗下賽駒正正用緊Gain牌子既飼料。佢星期四一收到風就已經轉用左Red Mills牌飼料。同時亦將所有今週末前往法國出賽賽駒既血液樣本交予實驗室測驗，結果所有馬匹對瘦肉精呈陰性。

但由於飼料於馬匹體內排走仍需一定時間，佢地仍需要密切留意馬匹既情況。岳伯仁已將馬匹既血液樣本同時交予法國馬會及愛爾蘭馬匹中心，預計分別可於當地時間星期六晚及星期五晚有結果。而結果將影響岳伯仁會否派馬出戰今個星期既法國賽事。同時，岳伯仁亦對佢地有係手既Gain牌子飼料進行測試，發現很低程度被瘦肉精污染，相信未必影響馬匹。

岳伯仁將有四匹出戰凱旋門大賽，分別為「業界巨頭」（Mogul）、「日出之國」（Japan）、「蛇紋石」（Serpentine）及「一國元首」（Sovereign）。

其餘練馬師如夏寧頓夫人、高仕登等都未有使用Gain牌子既飼料。而岳本賢就有四成賽駒使用該牌子飼料，並會與父親岳伯仁用同樣手法處理。

Source: Racing Post