【秋季天皇賞】「樂透心」爭衛冕 「春秋分」棄尾關攻年長馬賽

Homan

11 July 2022 at 2:10:52 pm

由於今明兩日都係日本Select Sale，唔少當地馬壇要員都會出席。因此採訪記者都會問到注目馬嘅部署。

上年日本馬王「樂透心」（Efforia，エフフォーリア）今年一場未勝。Carrot Club代表秋田博章接受訪問時透露該駒會以秋季天皇賞為目標，賽前唔會有熱身賽。佢地認為「樂透心」喺阪神馬場未盡發揮，回師東京競馬場會更合發揮。佢地預計秋季天皇賞後，會以日本盃及有馬紀念賽為目標。「樂透心」現時於Northern Farm天榮放牧，叉足電再爭功。

而今年喺皐月賞同日本打吡都抽到18檔，都同樣第二嘅「春秋分」（Equinox，イクイノックス）將會避戰菊花賞，會以秋季天皇賞為目標。雖然日本打吡後一對前腳都啲傷，但絲綢會代表米本昌史就表示如一切順利，會以秋季天皇賞為目標，睇下能否繼上年「樂透心」破三歲馬數據後，再一次有三歲馬攻該項年長馬一級賽。


Source: デイリースポーツ
Photo: 日本打吡截圖