【秋古馬三冠】「荒漠英雄」衰老離世 享年22歲

Homan

2 September 2022, 3:19:02 am

日本2004年年度代表馬「荒漠英雄」(Zenno Rob Roy,ゼンノロブロイ)離世,享年22歲。

2021年開始飼養「荒漠英雄」嘅村上欽哉牧場今早向傳媒透露「荒漠英雄」因衰老離世。「荒漠英雄」近年因年老而心跳遲緩。今早牧場人員發現「荒漠英雄」未有起身,相信於睡夢中靜悄悄離世。

「荒漠英雄」由殿堂級練馬師藤沢和雄訓練,於2003年出道。同年贏得二級賽青葉賞,再於日本打吡大賽跑入亞軍及以三歲馬身份取得有馬紀念賽取得季軍。踏入四歲,上半年於春季天皇賞取得亞軍。佢於下半年大爆發,喺柏兆雷胯下取得秋古馬三冠冠軍,即秋季天皇賞、日本盃及有馬紀念賽三項一級賽。這亦造就佢登上2004年年度代表馬寶座。

幕後決定於暑假出戰朱德望國際錦標,特意於轉入五歲延至寶塚紀念賽復出。結果,佢於武豊胯下僅負「電極使者」(Electrocutionist)得亞軍。回日後再戰秋古馬三冠,只得一亞一季。

「荒漠英雄」退役後轉任種馬,最有名子嗣相信喺2010年與「夏威夷鳥」(Apapane,アパパネ)平頭贏得日本橡樹大賽嘅Saint Emilion(サンテミリオン)。

兩星期前,同樣都係藤沢和雄嘅名駒「大樹快車」(Taiki Shuttle,タイキシャトル)亦因年老離世。

Source: デイリースポーツ
Photo: 賽事截圖