【福永初打吡馬】「華格納」突然病逝 享年7歲

Homan

6 January 2022 at 6:01:45 am

2018年日本打吡冠軍「華格納」（ワグネリアン，Wagnerian）病逝，享年7歲。

「華格納」出道之初已備受關注，並於贏得三級賽東京體育盃兩歲錦標而漸露頭角。轉到三歲後雖於皐月賞落第，但去到日本打吡大賽大變身，終點前力壓「金紀元」（エポカドーロ，Epoca d'Oro）贏出一級賽。同時亦為當時第十九次挑戰日本打吡大賽嘅騎師福永祐一，帶來第一座日本打吡大賽冠軍。當時福永祐一衝過終點後亦喜極而泣。

及後「華格納」再贏神戶新聞盃，但同年未有再上陣。轉歲後只能於兩次一級賽上名，但表現明顯與三歲時有所不同。

「華格納」健康一直不算穩定，練馬師傾向不部署該駒密跑。而「華格納」曾於上年初發現喉部有問題並接受有關手術。佢喺今年日本盃包尾而回，並於出賽後發現健康出現問題而到醫院治理。「華格納」琴晚喺栗東訓練中心嘅馬醫院因膽石引起多個器官衰竭離世。福永祐一亦有從東京趕到栗東見「華格納」最後一面。

Source: 日刊スポーツ
Photo: 2018日本打吡截圖