【禁藥醜聞】美國練馬師黎法和被判監禁五年

Homan

19 December 2021 at 6:08:41 am

早前美國爆出禁藥案，接近30人指涉案，當中練馬師黎法和及Jason Servis都被提告。黎法和選擇認罪，審訊於早前結束，並於上星期五喺美國聯邦法院宣讀判刑。練馬師黎法和（Jorge Navarro）被判監禁五年。

法官Mary Kay Vyskocil於判詞指考慮到黎法和喺庭上承認罪行，佢作主腦分派藥物上嘅假Label並將禁藥滲入其他合法藥物中。黎法和審訊時有悔意及對所有受害人道歉，據量刑準則下黎法和只會被判監禁五年。

法官Mary Kay Vyskocil認為黎法和所犯罪行相當殘忍及涉及欺詐行為。若無量刑準則下，佢會判黎法和監禁14至17年半。法官直指黎法和於Monmouth Park連奪七年冠軍練馬師時，以可能讓賽駒致命方式訓練，包括用藥，行為相當無恥。

黎法和亦被指危及馬匹及騎師生命，尤其果啲反對佢既騎師。另外，佢更公開吹噓自己嘅所作所為，行為令人心寒。其做法顯示佢對賽駒毫不關心同時亦損害賽馬運動嘅聲譽。黎法和指多匹冠軍級賽駒如War Story、Shancelot及「順數起飛」（X Y Jet）都曾服用禁藥。

除左被判監禁外，佢被判罰款70,000美元及賠償約二千五百萬美元。不過法官Mary Kay Vyskocil黎法和無力償還有關款項，故決定將黎法和案中所得約一千三百萬美元沒收。黎法和並未有即時入獄，佢將於60日內到監獄服刑，現時未知佢會分派到邊個監獄，但相信好大機會喺佛羅里達嘅監獄。

其他有部分涉案人士審訊仍進行中，當中練馬師Jason Servis唔認罪，審訊仍然持續。

Source: Bloodhorse
Photo: Bloodhorse