【祖格拉毛里裘斯墮馬後離世 享年29歲】

Homan

16 May 2021 at 1:37:10 am

騎師祖格拉琴日於毛里裘斯開鑼日上陣，於Champ de Mars 馬場第七場策騎Rule The Night出戰990米賽事。

B伍活策騎既Golden Tractor於彎位接洽點失蹄，於其身旁Rule The Night受波及，並將祖格拉拋下。祖格拉墮馬後已失去知覺，並大量出血，而B伍活則胸、手踭有痛楚，送院時清醒。兩人隨即被往當地醫院。可惜既係祖格拉搶救無效，與世長辭，享年29歲。B伍活則仍在醫院留醫，情況穩定。而失蹄既Golden Tractor證實膊頭骨折，需人道毀滅。

整個賽日一共出現三宗墮馬意外，分別於第三、第六及第七場，當中涉及四位騎師。呢個情況引起各界關注Champ de Mars 馬場是否有問題。有現場旁述更指，當局或需要處理一下馬場既安全問題。

騎師祖格拉祖籍毛里裘斯，於南非騎術學校受訓出道。2010年取得首勝後，於南非取得佳績，兩奪南非見習冠軍騎師。同時亦是由首位毛里裘斯人贏得南非見習冠軍騎師頭銜。佢於2014至2019期間於新加坡策騎，取得217場頭馬，策騎期間曾來港客串幾星期。佢於2019年番回毛里裘斯策騎，以便照顧妻子及小朋友。祖格拉遺下妻兒、高堂父母。而其弟Tajesh亦為當地騎師。


Source: thoroughbreddailynews, sportingpost.co.za
Photo Credit: Racing Sports

事發片段：https://youtu.be/WE-WC4PVHy8