【破冰轉身? 方嘉柏向潘頓伸出橄欖枝】

Homan

15 March 2021, 3:58:04 pm

潘頓方嘉柏直至上季都合作無間,不過今季季初兩人關係陷入冰點,自上年九月尾就未有合作。

方嘉柏開始與莫雷拉加強合作,而潘頓亦為其他馬房效力,甚至今季多左與練馬師蔡約翰交收。不過馬圈唔會有永遠敵人,方嘉柏就向傳媒表示自己冇任何怨恨,並認為遲早佢地會再次合作。佢早前於晨課接觸潘頓,並希望潘頓可以為「川河達駒」執韁出戰。

現時潘頓仍未答應邀請,潘頓於主席短途獎可以選擇座駒,除左「川河達駒」外,仲有剛剛輕鬆贏馬,加左18分既「福逸」。而潘頓能否獲得「福逸」帥權,或會影響潘頓最終會否策「川河達駒」出戰冠軍賽日。

雖然「川河達駒」最終會否交由潘頓,仍屬未知數。但相信經過今次後,兩人好大機會再恢復合作,甚至稍後時間,會再見到兩人合作其他賽駒,亦不足為奇。

Source: SCMP
Photo: Kenneth Chan