【破冰轉身】戴圖理將再為高仕登效力

Homan

5 July 2022, 2:50:21 pm

練馬師高仕登早前喺皇家雅士谷賽期後,突然拒絕起用戴圖理,並指兩人合作關係暫停。事隔兩星期後,高仕登決定再次同戴圖理合作。

今早戴圖理現身為高仕登及高素德馬房操練,出試「上流貴婦」(Emily Upjohn)。該駒預計下星期會前往愛爾蘭出戰愛爾蘭橡樹大賽,屆時會交由戴圖理操刀。

而今個星期嘅七月盃賽期,由於戴圖理早前已答應到美國上陣,佢唔會喺星期六上陣。戴圖理分別會喺星期四策Mighty Ulysses出戰施素爾爵士錦標,該駒原由莫雅策騎。而星期五就會策「旋進軌跡」(Inspiral)出戰一級賽Falmouth Stakes。

兩人喺多次會議確認日後嘅合作模式,高仕登就話需要戴圖理集中於大場上陣, 意味著佢嘅上陣次數會再減少,並主力喺大賽為高仕登及高素德效力。睇下今次嘅轉變,令到佢地合作再次交出好成績喇!

Source: Racing Post
Photo: Racing Post