【知舍賽後】浪琴表香港國際賽事

Poli+DW

8 December 2019 at 1:40:46 pm

四場一級賽港隊只能保得住香港短途錦標，其餘三場全部都輸比日本代表。

● 四場一級賽港隊只能保得住香港短途錦標，其餘三場全部都輸比日本代表。
- 莫雷拉喺頭關憑住出色走位替「耀滿瓶」輕勝「旺紫丁」，「時時精綵」同「御用畫匠」礙於檔位早段都要盡搶改善位置，結果前者只得第三後者以尾三完成賽事。
- 第二關繼續都係莫雷拉贏。正當「忠心勇士」直路透出以為可以一放到底之際，蔡約翰一對馬越逼越近，最終莫雷拉嘅「爭分奪秒」壓過「旺蝦王」勝出，贏晒 2019 年三場 G1 1200 米賽事，「忠心勇士」只係得第三。
- 香港一哩錦標步速比預期中慢，但「美麗傳承」都係贏唔到，又係跑第三。三歲雄馬「頌讚火星」喺蘇銘倫胯下贏馬，串Q 嘅又係莫雷拉，佢騎嘅「夏威夷」跑第二。
- 香港嘅 2000 米 G1 再次比「勝出光采」拎走！末段透出但最尾比莫雅嘅「巫師杖」逼近，結果以短頭位勝出。香港代表「跳出香港」同「添滿意」只能跑三四。

● 抗爭概念馬 「我𢥧」「榮光」「歸」「香港」合共獲一冠兩季，4x5P 派彩都相當唔錯，原來榮光唔洗我願都會有嘅！

● 華倉一對來年四歲馬都有好表現！「元朗之星」再次遇快步速順利補中，騎師係何澤堯真係應景！尾場「幸福笑容」全程外疊之下都能夠後發先至跨季四連捷實在唔簡單。

● 馬房方面羅富全蔡約翰各自起孖，騎師最威係輕勝五場嘅莫雷拉，潘頓捱餓結果今日無馬贏。

下次賽事係星期三晚，繼續都係跑九場。

Photo: Ramos.C 賽馬手記