【目標大賽】韋達：「將王」閹後會更好 今季目標國際賽

Homan

31 August 2021 at 2:12:21 pm

除左大衛希斯外，練馬師韋達今日亦接受左Racing.com既訪問，當中談及備受關注既香港打吡亞軍「將王」。

韋達於訪問中表示「將王」上屆打吡失利，認為「將王」雖然直路上翻步相當快，爆發力亦比其他賽駒出色，但最終未能贏馬感到可惜。而今個暑假，佢地決定為「將王」進行閹割，佢認為「將王」閹後更好，相信今季可以有更出色表現。講到今季計劃，韋達就表示「將王」預計會先於1200米或1400米復出，並拾級而上，以今年國際賽為目標。

「將王」現時評103分，若要最終入選國際賽最終名單，似乎都要於前哨戰有良好表現，且看閹後「將王」能否取得在港首場頭馬喇！

整個訪問：https://www.racing.com/videos/2021-08-31/douglas-whyte-continues-to-kick-goals
（「將王」一段於4:30開始）
Source: Racing.com
Photo: HKJC