【盡快重返賽場】潘頓希威森望一月中復出

Homan

1 January 2022 at 3:33:42 pm

兩位喺香港短途錦標墮馬嘅騎師潘頓及希威森自上月中後就一直養傷。兩人接受SCMP訪問透露康復情況理想，並即將復出。

潘頓於墮馬意外中，手腕及肋骨都有受傷。原本潘頓有意於一月五號復出，但由於手腕康復程度到唔理想，如夾硬復出策騎上陣，有機會造成手腕再次骨折。因此醫生建議觀察多一個星期，令潘頓預計復出日期由一月五號延至一月十二號。

而南非騎師希威森就有輕微盤骨骨折，早前佢已經可以做適量運動，如游水。而佢為左可以早日復出，黎緊將會開始做EMS訓練恢復狀態及稍後重上馬背晨操。佢見自己恢復頗快，希望自己可以喺一月十二或一月十六重返賽場。

黎緊咁多騎師停賽，佢兩個嘅復出相信可以為練馬師提供更多選擇。

Source: SCMP
Photo: 希威森IG