【疫苗立場】西澳前列練馬師韋利善及韋凌姿拆夥 只餘韋利善獨自一人

Homan

1 February 2022 at 11:48:30 am

西澳馬會近日遵循當地法規，要求無論係馬迷、騎師及練馬師，只要參與超過1000人嘅賽馬日就需出示疫苗接種紀錄先可以入場。

呢項措施引起當地人反彈，早前已有冠軍騎師柏威廉出走悉尼，琴日亦有消息指前列馬房韋利善及韋凌姿（Grant and Alana Williams）（圖左一及圖右一）因此拆夥。

據Racenet報導，韋利善會以個人名義繼續練馬。而韋凌姿 （Alana Williams）因未有接種疫苗，新例實施後，佢將會無法到場參加賽事，甚至唔能夠到Karnup嘅馬房幫手練馬。因此，韋凌姿將放棄與其夫韋利善合名繼續練馬。

韋利善及韋凌姿馬房原主力為西澳大馬主Bob Peters訓練賽駒，上年尾佢地嘅合作關係出現變化，而韋利善亦有喺維省開衛星倉。上季韋利善及韋凌姿馬房喺西澳合共取得77場頭馬，排喺練馬師榜第二名。當地傳媒聯絡韋凌姿，但未有相關回覆佢下一步會點做。


Source: Racenet
Photo: RWWA