【疫情不穩】確保入場人士安全 維省馬會決定咁樣做

Homan

14 September 2021 at 3:18:26 pm

澳洲疫情嚴峻，剛過去兩星期，每日平均有一千多人受感染。各州為減低傳播風險，都設有出入限制。雖然當地賽事仍繼續，但各州騎師難穿州過省策騎。維省馬會為左確保賽事能繼續進行而公布一項新方案。

維省馬會公布無論該人為馬場工作人員、馬房職員、騎師及練馬師，所有進入維省馬場人士需事先接種疫苗。於十月十六號考菲爾德賽馬日前，入場人士需至少接種一劑疫苗。而去到十一月廿七號，所有入場人士必需接種兩劑疫苗先可以入場。

維省馬會進一步解釋呢項措施係確保疫情對當地賽馬既影響減到最少，且為賽馬從業員提供安全工作環境。現時維省騎師協會及維省練馬師協會都支持這項措施。維省馬會近日對入場人士調查發現，現時有大約六成七入場人士已接種疫苗，而約有百分之八未接種且不傾向接種。墨爾本及滿利谷馬會都向當地政府要求春天容許已接種疫苗馬迷入場觀賽，等當地馬場可以如常運作。


Source: Racing.com
Photo: ASGAM