【用家意見】岳本賢:維省嘉年華賽前檢查簡直係惡夢

Homan

26 October 2021, 6:57:58 am

練馬師岳本賢今年繼續派馬參加維省嘉年華,除左上星期憑State Of Rest贏得覺士盾外,黎緊仲有「加班費」(Twilight Payment)於墨爾本盃爭衛冕。

岳本賢表示為左安排賽駒遠征維省嘉年華,佢需要於出發前做一系列嘅測試及檢查先可以入隔離營。賽駒抵埗後仍需要接受多次電腦掃描檢查,而每次掃描都需要為馬匹注射鎮靜劑方可完成掃描。賽駒備戰備戰相當受影響,以State Of Rest為例,佢於一週內注射四次鎮靜劑,以完成所有掃描。岳本賢形容對備戰而言絕對係惡夢。

岳本賢表示佢相當好彩自己有一班團隊及獸醫協助佢嘅賽駒完成所有檢查及測試。但今次年之後,若來年維省對遠征賽駒要求咁多檢查測試,佢將會放棄派馬到維省參加嘉年華賽事。

另外,覺士盾冠軍State Of Rest除左有機會跑麥堅倫錦標外,香港賽事都係其中一個選擇。岳本賢就表示如State Of Rest唔出戰麥堅倫錦標,就好大機會出戰香港國際賽事。

Source: Racing Post
Photo: Racing Post