【獨立有理】戴寶力:「為了家族未來,我必須自私」

Homan

8 July 2021, 12:38:04 pm

練馬師戴寶力(Tom Dabernig)早前宣布離開靈犀牧場,其與比安希斯(Ben Hayes)既合作馬房亦隨之拆夥。

靈犀牧場將交由比安希斯及比安希斯細佬JD Hayes打理。近日戴寶力已落戶華利南浦(Warrnambool),並接受傳媒訪問透露離開原因。戴寶力表示經深思熟慮先決定離開,自立門戶成為練馬師。佢認為呢個係相當艱難既決定,比開倉更困難。除左因為比安希斯已準備好接手靈犀牧場事務外,戴寶力都希望為其家庭著想。

現時戴寶力有三個仔,分別13歲既Hugo、10歲既Teddy及5歲既George。戴寶力就表示佢地有絕對自由決定未來是否投身馬圈,但作為一個負責既家長,佢希望可以如果至少其中一個有興趣的話,佢可以讓其繼承並延續戴寶力馬房既成果。戴寶力非常感謝希斯家族給予既機會,但佢認為自己可以投放多啲時間與賽駒互動,抽離靈犀牧場既事務。因此佢希望自立門戶成為一個純練馬師。

佢預計自己首年開倉有48個馬格,並逐步接收賽駒。首批接收賽駒中,一級賽冠軍「五十星」(Fifty Stars)為其中一匹。佢預計自己會於年尾或來年年初派馬上陣。

Source: Racenet
Photo: Robin Sharrock