【特殊對待】巴富達所有育馬者盃參賽馬賽前賽後均需測試

Homan

18 October 2021, 10:14:49 am

美國育馬者盃賽事將於11月5及6號於美個德爾馬(Del Mar)馬場上演。美國殿堂級練馬師巴富達近年多次捲入禁藥及違禁物質醜聞。而Medina Spirit於肯塔基打吡嘅案件仍未解決。育馬者盃主辦方近日發聲明要求巴富達旗下所有育馬者盃參賽馬都需通過測試,才可參加育馬者盃各項賽事。

雖然有一啲馬場禁止巴富達派馬上陣,但育馬者盃主辦方並未有跟從,反而提出新建議。為了確保賽事公平及公正,佢地要求巴富達旗下所有參賽馬需於賽前及賽後通過所有違禁物質及禁藥測試。否則,呢啲賽駒將唔能夠上陣或賽會不會承認賽果。而巴富達需要自費有關測試。

練馬師巴富達讚揚育馬者盃主辦方根據事實作出判斷。佢對有關措施表示歡迎,並承諾會遵守有關措施。暫時Medina Spirit將會部署育馬者盃經典大賽,而Gamine或會於育馬者盃雌馬短途大賽上陣。

Source: Bloodhorse
Photo: Bloodhorse