【牧場參觀線JR日高線鵡川站至様似站2021年3月正式停駛】

Homan

可通往日本北海道多個牧場既JR 日高線,2015年因為當地受颱風吹襲,令鵡川站至様似站之間既路軌受到嚴重破壞,以致無法通行。

當中多個可以通往牧場既車站如新冠町、静内町及浦河町都唔能夠以列車抵達。當時商議復修既同時,JR亦安排巴士比當地居民來往各站。

然而,JR同當地居民及政府於商議復修費用中有分歧。原復修費為16億4千萬日元,JR表示會承擔3億日元,其餘由沿線七個町既居民承擔。當地居民表示反對,係來來回回下,當地繼續受到天災影響,復修費上升至86億日元,JR決定尋求當地政府協助。

結果官方決定放棄高門別站至樣似站既復修工程,以巴士代替。並研究鵡川站至日高門別站既復修可行性。係2018年11月苫小牧站至鵡川站復修工程完成,令日高線苫小牧站至鵡川站路段可以通行。

而鵡川站至様似站維修費始終太貴,沿線七個町町長今個月決定放棄維修,並於9月JR訂立協議,來年4月起以巴士代替鐵路,但未知路線會與早前相若。雖然2016颱風後鵡川站至様似站一直未有列車通行,但官方確認唔會再列車係該路段通行,都會有啲可惜。

Source: 北海道新聞