【無鞭賽或今個澳洲夏天於維省上演】

Homan

15 December 2020, 9:52:37 am

早前有報導指出維省馬會決意試行無鞭賽馬賽事。

當地馬會計劃呢項賽事會以系列賽形式於今個夏天於維省上演,而決賽會於三月中既滿利谷馬場上演。維省馬會總經理Shaun Kelly表示現時仍處於討論階段,而無鞭系列賽只係其中一個試行無鞭馬賽事既一個選項。

報導一出後,騎師表示或對佢地策騎賽駒帶來困難。騎師薄奇能亦都話自己其實用鞭係提示馬匹,亦唔會大力打落去。而維省騎師協會會長Matthew Hyland就話維省馬會當然可以就住佢地既需要編排無鞭系列賽於稍後既賽程,不過騎師亦可以拒絕出戰無鞭系列賽。Matthew Hyland就話當地馬會已徵詢佢地既意見,但佢地並不同意佢既計劃。

今個澳洲夏天會唔會有無鞭賽仍屬未知之數,似乎要等佢地進一步討論先決定到。各位又覺得無鞭賽可行嘛?

Source: Racenet