【無外隊馬】2022冠軍賽馬日將無外隊馬參賽

Homan

10 March 2022, 10:18:25 am

香港疫情嚴峻,近日確診數字持續五位數,賽事能夠繼續舉行都已經唔容易,唔好話比外國代表黎香港出賽。

雖然仲有個幾月先到冠軍賽日,不過如果外國代表需要來港就最遲喺三月尾抵港。而香港馬會行政總裁應家柏就透過其網誌表示今屆冠軍賽馬日將唔會有任何外隊馬來港。

佢認為如果而家要外國團隊遵守現時香港馬會嘅Racing Bubble,會耗費大量資源,畢竟安排人手協助外隊隔離都要用唔少人力物力。另外,現時全民檢測日子仍有變數,如果外隊來港時撞正全民檢測將會相當難安排。因此,馬會決定放棄邀請外國代表來港參加冠軍賽馬日。

如果賽事或賽期未有受影響,四月尾嘅冠軍賽馬會如常舉行,但就唔會有外隊馬黎香港喇!

Source: HKJC
Photo: HKJC