【激戰過後 「鐵鳥翱天」「謀勇兼備」各有計劃】

Homan

兩匹無敗三歲三冠馬「鐵鳥翱天」(Contrail,コントレイル)及「謀勇兼備」(Daring Tact,デアリングタクト)皆於日本盃首嚐敗績,被馬后「杏目」(Almond Eye,アーモンドアイ)擊敗。

於日本盃跑獲亞軍既「鐵鳥翱天」雖然做出全場最快末段,以34.3完成最後600米,但末段未能追越「杏目」飲恨而回。賽後佢有啲疲態,但食欲不減。幕後決定「鐵鳥翱天」今年內唔會再上陣,會於大山Hills休養生息,為來年做好準備。佢地初步會以大阪杯為目標。

而跑入季軍既三冠雌馬「謀勇兼備」,直路初被「鐵鳥翱天」封左位,一度未能望空。雖然最後仍然交出後勁,但只得季軍。幕後或會安排「謀勇兼備」今年內再上陣多一次。如上陣的話,相信會是年尾既有馬紀念賽。

Source: デイリースポーツ,日刊スポーツ
Photo:JRA