【激戰過後 「杏目」首胎配「神威啓示」】

Homan

日本馬后「杏目」(Almond Eye,アーモンドアイ)擊敗兩匹三歲無敗三冠馬,登上頂峰。同時佢宣布從頂峰中引退,轉任配種母馬。

成就有終之美既同時,「杏目」以草地一級賽九勝及獲得最多獎金賽駒兩大頭銜終結其競賽生涯。騎師李慕華及練馬師國枝榮都對「杏目」表達感謝,認為「杏目」帶比佢地好多幸福既日子。「杏目」並未於昨日舉行引退式,JRA安排引退儀式於12月19日既中山競馬場賽事後舉行。由於當地入場觀賽仍有限制,相信最多只有數千人送別呢匹傳奇馬后。

至於配種方面,Northern Farm揸Fit人吉田勝己琴日就向傳媒表示,「杏目」首胎將會配「神威啓示」(エピファネイア,Epiphaneia)。「神威啓示」子嗣今年先係第一年出戰三歲賽,成績已相當不俗,除左有三冠雌馬「謀勇兼備」(Daring Tact,デアリングタクト)外,仲有菊花賞亞軍「大哲學家」(Aristoteles,アリストテレス)。

而且「杏目」及「神威啓示」雖然都冇「大震撼」(Deep Impact,ディープインパクト),但紙上血統上會有「週日寧靜」(Sunday Silence)4S x 3D 既雙重血緣,與「謀勇兼備」一樣有呢個「週日寧靜」既Inbreeding。睇下呢匹傳奇馬后既子嗣會唔會可以超越媽媽既競賽生涯成就喇!

Source: デイリースポーツ
Photo:下野雄規