Homan

16 March 2020 at 1:30:23 pm

世界各地受到武漢肺炎影響，世界各地賽馬賽事亦都轉為閉門進行。

澳洲維多利亞省上星期六已經開始閉門作賽，除左賽事相關人員外，禁止公眾入場。近日維省馬會進一步加強檢疫措施，賽日當天賽會會為所有進出馬場既人員量體溫，以確保佢地冇發燒。

而跨省作賽或海外遠征抵澳既騎師需要乘搭私人交通工具，即包車或包機。今個星期五布文若要於滿利谷策騎Bivouac出戰威廉烈特錦標，就要用包機或揸車由悉尼到滿利谷。目的都係想佢地唔會於一個細空間接觸到大量既人而受感染。

而係悉尼方面，今個星期起將會閉門作賽，公眾人士包括馬主將會被禁止入場。現時預計閉門措施會直至四月中。幾時可以再開，要視乎當地疫情而定。

而英國方面，英國馬會琴晚宣布所有賽事無論跳欄定平地都將會於一星期內閉門作賽。雖然英國首相約翰遜表示如可以六成人都感染而產生抗體就可以抗疫（編按：你都痴撚線，人命黎。一係你去感染左先囉！），但似乎大型體育賽事都會叫停。剛剛英國馬會既總部因出現疑似感染個案而關閉，一啲員工需要隔離，其他則需在家工作。

Source: Racing.com; Racenet; Racing Post