【澳洲聽日上演兩場一級賽——香檳錦標及全齡錦標】

Homan

雖然一連兩個星期The Championship Day已經完結,但今個星期澳洲蘭域繼續上演一級賽,分別係兩歲一哩賽事香檳錦標及千四米既全齡錦標。

多匹澳洲賽馬會育馬錦標既參賽馬都有出戰香檳錦標。當中頭馬「王者事蹟」(King’s Legacy)排到三檔,並繼配上贏馬搭檔布文。布文上星期因為停賽而未有出戰Day 2賽事。今個星期刑滿復出,策騎「王者事蹟」增程二百出戰。血統上越長越好,相信奪標機會唔細。

澳洲賽馬會育馬錦標既第四名「童夢奇才」(Ole Kirk)上場追勢唔錯,增程多二百,絕對值得留意。另外三級賽千四米T L Baillieu Handicap既冠亞軍,「絕代拳霸」(Holyfield)及Untamed都會出戰。前者配上馬昆;後者則續配上羅理雅。睇下會唔會可以打擾到「王者事蹟」一級賽兩連勝喇!

而全齡錦標方面,吸引到唔少於The Championship Day千二及一哩一級賽贏唔到既賽駒出戰。當中上屆冠軍「比樂達」(Pierata)繼續配上貝湯美出戰,排得9檔,勢要爭取衛冕。不過上仗史密夫錦標比「比樂達」先衝過終點既「聖雅勒徑」(Santa Ana Lane)都會出戰。

而佐治萊德錦標冠軍Dreamforce就續配羅理雅,睇下今次可唔可以放到喇。而上場於史密夫錦標表現失望既新市場讓賽冠軍「露營友」(Bivouac)就續配布文排得4檔,希望唔好留太後喇!