【澳洲續閉門上演兩項一級賽】

Homan

27 March 2020 at 2:28:47 pm

新南威爾斯既秋季嘉年華步入尾聲，今個星期將會係玫瑰崗上演兩項一級賽。

其中一場係前身為寶馬錦標既二千四百米一級賽Tancred Stakes。上星期於蘭威錦標「雍容爾雅」（Verry Elleegant，麥道朗策騎）短距離輸比「加踏步」（Addeybb），未能贏出一級賽。今仗「加踏步」不在陣中，且「雍容爾雅」上場拋離今場主要對手「亞飛利」（Avilius，布文策騎）近五個馬位。今場順理成章成為大熱門，力求自澳洲橡樹大賽後再贏一級賽。而上星期於萬利安盃跑入亞軍既Mugatoo都會出戰。

多匹曾經出戰上年墨盃既歸化馬都有出戰，如「滿勝大將」（Mustajeer，羅理雅策騎）、「玄舞幻步」（Mirage Dancer，貝湯美策騎）及「南法」（Southern France，馬昆策騎），睇下「雍容爾雅」隔一星期再跑能否補中喇！

而另一場一級賽葡萄園育馬場錦標，兩匹三歲雌馬 Funstar 同 Probabeel 繼續一對一決戰。係早前果四個回合取得三勝一敗既Funstar，今仗繼續由麥道朗策騎。呢匹出自覺士盾冠軍「阿德萊市」（Adelaide）既雌馬相信可以應付到2000米路程。而 Probabeel 就配上每次騎親都會輸比Funstar既麥維凱，究竟今仗增程會唔會反先呢？

Source: Racenet