【澳洲殷利殊復活節拍賣會2020】

Homan

今年殷利殊復活節拍賣會轉到網上舉行,買手需要透過網上直播及網上系統競投。受到武漢肺炎影響,除左形式上有轉變,連成交額都受經濟環境影響而大幅下降。

有啲牧場如阿羅非爾德育馬場決定退出拍賣會,連成交數字都有所下降。今年既平均成交額比上年下降約四萬澳元(約十九萬港元),但今年既標王就比上年低一百萬澳元(約四百八十八萬港元)。

標王由古摩亞投得,成交額為一百八十萬澳元(約八百八十萬港元)。呢匹為出自一級賽航班錦標冠軍,多項一級賽亞軍「第一印鑑」(First Seal)既子嗣,父系為「犀利時」(Snitzel)。而第二高價都係由古摩亞投得,係二級賽冠軍Twilight Royale同I Am Invincible既子嗣,成交價為一百四十萬澳元(約六百八十萬港元)。

而香港馬主何家駒以全拍賣會第三高價投得「忠心勇士」、「川河達駒」半弟,出自「信可成真」(So You Think)既雄馬,以一百一十萬澳元(約五百三十萬港元)投得。馬主何家駒早前確保黎緊三年既The Everest出賽資格,睇下呢匹會唔會代表佢出戰喇!

另外,上年係同一拍賣會只購入一駒既香港賽馬會,今年轉左online就大手入貨,買左九匹週歲馬,總支出為五百一十四萬澳元(約二千五百萬港元)。當中最高價既一匹係出自紐西蘭三級賽冠軍Serious Satire既雄馬,出自「盡善盡美」(Exceed and Excel)既子嗣,成交價為七十六萬澳元(約三百七十萬港元)。而最低價一匹係十五萬澳元(約七十三萬港元),係一匹出自Tavistock既週歲馬。呢匹出自Tempting Delight既雄馬為現時於日本服役En(エン)既全弟。En 係地方競馬出道,於川崎輕鬆取得兩連勝後,出戰JRA級際賽賽事都大敗。現時競賽生涯四戰兩勝。

Source: inglis.com.au