【澳洲山火持續 馬圈有錢出錢有力出力】

Homan

4 January 2020 at 4:35:17 pm

澳洲山火持續四個月仍未受控，新南威爾斯省受到嚴重破壞，大量林木被毀，情況仍未受到控制。好多動物因此喪生，當地消防員已經連月黎不斷撲救，但奈何係少落雨及高溫下既強風，火勢不斷漫延。

澳洲騎師貝湯美提出捐助比一啲協助災民既基金會。每當佢贏一場頭馬，佢就會捐二百五十澳元。維省騎師連達文表示支持，並跟隨貝湯美，同樣會於每贏得一場就捐出二百五十澳元。而一啲見習生如勞愛德仔仔Jaden亦決將琴晚於格堡（Cranbourne）所得既策騎費捐出。騎師不時都會響應一啲公益活動。幾年前，安國倫及貝湯美等曾留鬚籌款。

而早前其中一個重災區Bairnsdale，區內既Bairnsdale馬場亦開放並成為救援中心，比有需要人士入去暫住。現時新南威爾斯已宣布緊急狀態，希望當地山火可以盡快受控，始終除左林木外，亦有好多住係入面既動物受到波及。

Source: Punters.com.au