Homan

21 March 2022 at 1:12:07 pm

由英國移民澳洲嘅「品德高尚」（Zaaki），上星期六喺賈傑美胯下攻下All Star Mile。練馬師凌靄琛（Annabel Neasham）就表示有意部署該駒喺今年夏天或明年遠征。

「品德高尚」將於下月中出戰女皇伊利沙伯錦標，原本喺該戰後計劃遠征香港，出戰冠軍賽日嘅女皇盃。但隨著香港疫情緣故，外隊馬不獲准許出戰。因此凌靄琛就話希望部署「品德高尚」出戰覺士盾。同時又希望喺今年夏天番到英國賽事，於皇家雅士谷賽事上陣。

不過若然今年未能成行，佢亦希望跑畢今年覺士盾後，來年再到遠征外國大賽。

而策「品德高尚」贏得All Star Mile嘅賈傑美亦有意喺皇家雅士谷賽期期間到當地上陣。佢接受訪問時透露自己會喺6月到英國度假，並有意於假期期間喺皇家雅士谷賽期客串，首次喺該賽期上陣。

澳洲今年預計會有唔少賽駒會到英國遠征，如「綠化帶」（Nature Strip）及「品德高尚」等。賈傑美到當地客串或可策呢啲由澳洲練馬師訓練賽駒於英國揚威。


Photo: Racenet
Source: Racenet