【澳洲各項大賽 Preview Hanseatic強勢進軍藍鑽石錦標】

Homan

21 February 2020, 10:25:25 am

黎到二月尾,澳洲聽日會上演多項級際賽。當中考菲爾德會有三項一級賽,分別有未來錦標、藍鑽石錦標及渥利盾。

預計聽日考菲爾德馬場既場地會偏軟(Soft 5),但聽日唔會落雨,有機會上番(Good 4)。睇番賽事先,未來錦標會有三匹入選左All Star Mile既馬上陣。分別係 Kolding、Melody Belle及Super Seth。當中Kolding 同 Super Seth都已經跑左一場熱身,但前者第一次跑維省又孭重磅,都幾大考驗。而後者就對場地熟悉,且熱身表現出色,惟第一次對陣年長馬。Melody Belle雖然初出,但路程唔需要擔心,睇下可唔可以先贏一仗喇!

至於兩歲短途一級賽藍鑽石錦標方面,擂台躉係高多芬既Hanseatic。佢已經直落贏左三場,無論Preview 同 Prelude都展現出強勁既追勁。今場唯一隱憂係個一檔會唔會塞死佢呢?咁就要睇下鞍上人嘉里既發揮喇。而係雌馬組Prelude贏馬既Letzbeglam會繼續由柏寶策騎,上場贏出既姿態相當輕鬆,暫時不敗既佢可唔可以為柏寶打破一級賽既悶局呢?而CHC既 Rulership 亦都係要留意既馬之一,始終佢跑法相對主動,隨時能夠偷襲得手。

Caulfield 聽日最後一場級際賽每年都爆到九彩既渥利盾。焦點所在係Golden Rose冠軍Bivouac,今場排得七檔,睇落都四平八穩。不過呢,考菲爾德既1100米真係好蝦人跑。而鞍上人亦都轉由韋紀力執韁,騎師放棄左另一匹Bold Star都騎Bivouac,睇下有冇揀錯馬啦!上場捱到個第二既Free Debt今場可以孭超輕磅上陣,或者可以帶黎驚喜。而貝力斯今場就會策騎「奉天來」(Faatinah)出戰,「奉天來」並無前往杜拜,唔通有計!?

而同日其他級際賽中,「君王夢」(Kings Will Dream)上場初出追得好,聽日將會出戰二級賽楊彼得錦標,相信可以繼續有良好走勢。對手將會有西澳馬 Regal Power及Miss Siska。而兩匹原本係歐洲服役既馬「玄舞幻步」(Mirage Dancer)及「古國首都」(Constantinople)都會出戰。

NSW方面,玫瑰崗馬場將會有二級賽河霸圍錦標。多匹一級賽上名馬將會互撼。當中最受注目馬有覺士盾亞軍 Castelvecchio,今場係呢匹賽駒秋季第一戰。而維省打吡冠軍 Warning 及 Spring Champion冠軍Shadow Hero亦都會出戰。而上場係考菲爾德贏出二級賽既Microphone都會重配布文上陣。相信呢場賽事會相當刺激。