【澳洲傳有人利用代母為配種母馬配種 維省馬會介入調查】

Homan

18 February 2021 at 3:56:35 am

澳洲育馬業琴日爆出醜聞，澳洲傳媒Herald Sun報導Ultra Thoroughbreds既主理人Sean Buckley正開展一項代母配種計劃，將競賽雌馬既胚胎轉移到替代母馬，從而不但增加受孕率同時亦可以提早配種週期。

該傳媒報導該項計劃現時處於早期研究階段。Ultra Thoroughbreds擁有多匹賽駒及配種母馬，當中包括2007澳洲馬王「安小姐」（Miss Andretti）及「綠化帶」（Nature Strip）媽媽Strikeline。消息指以上兩匹配種母馬於2019年尾曾前往西澳參與早期研究計劃。維省馬會琴日亦宣布就事件展開調查，並指出事態嚴重。由於現時澳洲法例唔容許用代母繁殖競賽馬，如事件屬實，Ultra Thoroughbreds及Sean Buckley相信會受到刑罰。

Sean Buckley接受傳媒訪問指由於調查已展開，佢唔可以講得太多。但佢就強調佢地並無違反任何規定，而「安小姐」及Strikeline 只於2019年接受增加受孕率治療，而一切係跟隨當地規定。究竟結果如何，相信要等詳細調查報告。

代母產子存在道德爭議，就算於人類世界各國亦有不同標準。科技發達無疑為不孕不育者帶來方便，但若然並非不孕不育，而只為提早配種週期，甚至另有所圖，相信公眾亦難以信服吧！

Source: Racenet, Racing.com, punters.com.au