Homan

16 March 2020 at 3:22:19 pm

除左遠征杜拜外，今年原定有三匹日本賽駒會南下出戰唐加士打一哩賽及女皇伊利沙伯錦標。近日澳洲對所有係海外抵澳既人士採取隔離措施，新措施將要求無論係邊個關口入境既人士，都需要自我隔離十四天。

兩匹唐加士打一哩賽參賽馬「魔族雅谷」（Mozu Ascot，モズアスコット）及「個人特色」（My Style，マイスタイル）雖然原定會係今日完成檢疫前往澳洲，但臨行決定放棄遠征。「魔族雅谷」將會轉為部署出戰月尾既高松宮記念，再報名出戰四月尾香港既冠軍一哩賽。「個人特色」就未決定下一個目標。

而出戰女皇伊利沙伯錦標既「野田優驥」（Danon Preimum，ダノンプレミアム）就決定出發前往澳洲。現時正在前往澳洲既路上。練馬師中內田充正就表示多謝日本中央競馬會及馬主支持佢既決定，希望可以有好成續。而且佢亦希望馬匹及馬房助理可以健康無事。

Source: Sponichi