【潘頓煩甚麼】潘頓：我希望接受更多考驗及挑戰

Homan

8 March 2023 at 4:26:55 am

近日冠軍騎師潘頓回澳客串，其考慮返澳洲言論引起香港及澳洲兩地討論。佢早前就話自己四月底前點都會有決定今季後係咪返澳洲策騎。究竟佢考慮緊啲乜野呢？Racenet同佢做左個訪問，睇下佢諗咩先。

潘頓今次返澳洲，見唔番唔少朋友，同朋友相聚。例如貝湯美伉儷、安國倫伉儷等。潘頓更係安國倫墮馬後，首次與對方面對面見面。畢竟中間隔左疫情，令佢地根本見唔到。

潘頓就話香港喺一個好地方，無論對佢同佢一家人而言：「我喜愛香港，呢個係一個安全且宜居嘅地方。而且低稅率及由馬會提供住宿，令我地喺財政上有好大回報。而且我兩位小朋友——8歲嘅Roxy同6歲嘅Cash都好鍾意而家就讀嘅學校。我太太Nicole都好鍾意香港嘅社交活動。我同佢可以去好好嘅餐廳食飯，飲靚酒。仲可以獲邀去坐最好嘅遊艇、打高爾夫球及參與行山等活動。呢個生活模式相當好。」

雖然有如此美好嘅生活，但佢呢排開始問自己：「咁多年黎，我每星期都做同樣嘅野。我靜落黎嘅時候諗，邊度仲有挑戰呢？唔好誤會，可能我只係比以前更多愁善感。有啲人會安於現狀，害怕改變帶黎失敗。但我希望將自己放喺一個困難嘅位置上，睇睇自己嘅能耐。我從小就係咁，無論做咩運動，足球、板球等，我都享受壓力，唔怕失敗。」

呢位14歲就已經習騎，當時僅得27kg嘅冠軍騎師，相當感恩自己可以黎到香港長駐，亦認為香港嘅經驗令佢可以提升到另一個層次：「我喜愛香港嘅人，佢地都好有野心，驅使佢地成功。我黎到香港可以接觸到呢個地方最成功且熱愛賽馬嘅人，呢一樣係當時留喺澳洲得唔到。佢地邀請我一對一共進晚餐，我可以了解佢地同時吸引佢地喺賽馬上嘅知識，呢個一個特別嘅機遇。」

眼見自己嘅策騎生涯步向尾聲，佢都已經最好準備：「我喺香港得到好多唔同建議，我為自己嘅策騎生涯完結後做好準備，我投資好多唔同投資產品，地產、公司及股票等。雖然唔係全部都有好表現，但起碼可以為自己退休後做好預備。」

香港疫情限制逐步放寬，佢回想當時嘅情況：「疫情限制的確令大家過得唔容易，而家香港亦逐步復常。當時唔能夠與很多人在屋企聚會，細佬唔可以去樓下公園玩，包裹只可以放喺門口。咁樣其實唔太健康，好彩當時仲有馬跑。」

對於自己嘅策騎生涯嘅遺憾，一定係墨爾本盃：「我唔希望自己喺競賽生涯有任何遺憾，我想贏得墨爾本盃，呢個係我第一個想達成嘅野。雖然係咁，我已經好好彩，可以喺皇家雅士谷、日本及新加坡嘅一級賽贏馬。我已經學識左無論去到邊度策騎，都可以將自己嘅風格應用落去。」

現年40歲嘅潘頓預計會喺今屆香港打吡大賽策騎「永遠美麗」出戰，為左有更好準備，佢特意唔接3月18號嘅金拖鞋大賽坐騎，希望以最佳狀態迎接打吡，為「美麗」系一家圓夢。佢就話自己最快會喺4月初嘅悉尼冠軍賽馬日返去客串。至於會唔會返去澳洲長駐，就要喺四月底前落決定，點都會跑埋今季。


Source: Racenet
Photo: HKJC
==============================
Telegram公海：https://t.me/GoldRacing
YoutubeChannel：https://www.youtube.com/c/GoldracingHK競馬知舍
Instagram：https://www.instagram.com/gold.racing/
Patreon：https://www.patreon.com/hkgoldracing
FacebookPage：https://www.facebook.com/HKGoldRacing
Twitch：https://www.twitch.tv/goldenrace
賽馬新聞：https://www.hkgoldracing.com/news-1