【沙特禁旅遊簽證 澳洲秋季嘉年華加強檢疫】

Homan

28 February 2020, 5:32:52 am

現時世界各地正受武漢肺炎所影響,有不少國家都減少人群聚集,以防病毒散播。同時佢地都做好把關,避免病源體入境。

聽日舉行既沙特盃亦都因為沙特阿拉伯對入境人士有所限制,令騎師及馬房相關人士抵達時間有所延誤,有馬迷則不能入境。沙特阿拉伯前日突然發出入境限制,除左禁止聖城既簽證外,亦都限制來自疫情較嚴重地區既人入境。騎師莫雅因為早前來港策騎「勝得精彩」,令佢需要接受檢驗後才可入境。而有來自日本馬迷被沙特拒絕入境,只好打道回府。

而澳洲方面,新南威爾斯馬會表示佢地會密切留意國內既疫情而作出相應既對策。由於秋季嘉年華賽事進行得如火如荼,有必要時會參考各地做法,限制馬迷入場,減少人群聚集。「魔族雅谷」(Mozu Ascot)及「野田優驥」(Danon Premium)都係來自疫情較嚴重既日本。兩匹馬將會下星期進入檢疫營預備出發前往澳洲。佢地暫時唔會禁止賽駒及工作人員前往澳洲,但隨行人員需要經過武漢肺炎測試先可以入境。

Source: BloodHorse, Racenet