【殿堂級練馬師】巴富達暫時放棄上訴 為期90日停賽展開

Homan

5 April 2022 at 12:06:10 pm

美國殿堂級練馬師巴富達早前因肯塔基打吡冠軍Medina Spirit禁藥問題，現時被邱吉爾園被罰派馬上陣兩年，另被罰停賽90日。

巴富達及其法律團隊早前就兩項停賽決定提出法律挑戰。早前法庭基於程序駁回其停賽90日上訴，巴富達因此於4月4號起停賽90日，並會喺7月2號可以再開始派馬上陣。巴富達及其法律團隊決定暫時撤回被邱吉爾園被罰派馬上陣兩年嘅上訴。其要求已被法庭接納。

佢地解釋指有關決定並非因為佢地覺得自己理虧，而係考慮到現時與其合作馬主會因為其停賽而未能出戰肯塔基打吡，如繼續挑戰或影響與馬主嘅合作關係，危及佢地今屆肯塔基打吡嘅參賽機會。倒不如接受停賽並讓旗下賽駒轉到其他馬房，進軍肯塔基打吡。

巴富達法律團隊指巴富達不排除喺禁賽令完結後會再入稟挑戰邱吉爾園被罰派馬上陣兩年的決定。無論如何，今年嘅肯塔基打吡就一定唔會見到呢位殿堂級練馬師派馬喇！

Source: Bloodhorse
Photo: Foxnews