【杜滿萊贏返場G3】

Tony

連續兩日睇完大阪盃同香港G2,一齊返去睇星期六嘅日本賽事啦。

星期六日本仲有一場三級賽,中山嘅打吡公爵挑戰盃,賽前有「紅瑪瑙」(Win Carnelian)退出,Smile Kana以為呢場冇咗主要對手兼排黃金1檔仲唔贏?結果柴田大知一出閘居然留住隻馬唔搶,橫山和生一個唔該就將「個人特色」(My Style)喺外面cut埋嚟放頭,結果Smile Kana入到直路冇耐就自然企咗喺度;反而係杜滿萊騎連贏3場嘅馬女Terzetto留住馬群後列,轉彎爆一段上嚟趕過對手成功4連勝,而杜滿萊亦贏出第1100場JRA頭馬。唔通Terzetto可以好似當年「滿樂時」咁由呢場殺上一級賽一登龍門?
https://www.youtube.com/watch?v=5qD0peGU4LM

至於阪神就有一場跳欄公開賽,轉戰跳欄嘅「莎翁劇場」(Globe Theatre)贏完一場之後,近仗都係止於接近,嚟到今場一改戰略選擇放頭,雖然入直路受到K T Clever威脅,但係跳完最後一過欄就控制大局,取得跳欄賽第二勝。
https://www.youtube.com/watch?v=xas5sROt9r0