Tony

23 November 2021 at 7:29:25 pm

今個星期除咗一哩冠軍賽之外，仲有東京體育盃2歲錦標。

星期六舉行嘅東京體育盃2歲錦標近年成為三冠賽事重要指標，又出過三冠王「鐵鳥翱天」(Contrail)之下，今年升格為二級賽；今場有知舍POG參戰馬同之前戰報有提過嘅遺珠上場，首先講遺珠Al Naseem，今場表現可以話包大家睇到吐血，隻馬起步一個唔刻慢閘之後就上晒口標前，武豊成個人企到高一高都留唔住隻馬結果過半程之後自己放出嚟，放到最後200米就企咗喺度；Patrick同Homan持有Dante's View就大半程留後，直路走內檔追返唔少跑第4然而對大局全無威脅；李慕華騎絲綢會一口馬、「北部玄駒」子嗣Equinox，8月尾一出即勝之後留到今場先跑，沿途守住尾三位置，入直路抄出外檔一衝就交足反應，步步壓住再彈甩Asahi，輕鬆贏2個半馬位，亦都係「北部玄駒」首匹子嗣贏出重賞。睇李慕華過終點之後拍下隻馬咁好交代，相信佢都要攝高枕頭諗出年騎呢隻定Command Line好過。Tony私下評就係：大家都係「北部玄駒」絲綢會一口，點解呢隻贏重賞我揀隻良血傷到跑唔到㗎？
https://www.youtube.com/watch?v=pzWM1eL4gRE

知舍POG今個星期就有Dicky贏到馬，佢揀呢隻「攻必勝」(Grenadier Guards)半妹、絲綢會一口馬Astrophyllite出戰星期日阪神1600米新馬賽，4檔出閘一路守住中間內欄位置，直路沿欄內殺上，一鞭都未打自動波趕過對手，輕鬆勝出。
https://www.youtube.com/watch?v=bf-JSERs_BE