【李寶利未能順利前往沙特 將缺席沙特盃賽夜】

Homan

19 February 2021 at 6:24:12 am

原定於聽晚沙特盃賽夜中上陣既騎師李寶利，當晚預計會於沙特打吡策Cowan及沙特盃策Max Player出戰。然而，佢因為航班、機票及武肺測試等原因而未能履行聘約。

由於所有沙特盃參加者，包括騎練、馬主、馬匹隨行人員都需要於抵沙特前72小時做武肺測試並提交報告予當地馬會。李寶利原於琴日出發，但機票及航班問題，於機場等候近三小時後，其機票被取消。今日機票問題解決，順利登上航班甚至綁好安全帶後預備起飛時，最後一刻被機場人員請落機，原因係其武肺測試報告過左期，未能符合當地規定。

李寶利對此感到震驚，並就事件引起兩匹賽駒幕後不方便致歉。佢將滯留美國觀戰，並祝願賽事順利完成。

Source: @umbyrispoli

Video: ( https://twitter.com/umbyrispoli/status/1362593625079619585 )