【李寶利接受新挑戰——下一站美國】

Homan

10 December 2019 at 7:05:07 am

現時係香港策騎既三十一歲騎師李寶利提前宣布與香港賽馬會解約，並於今個月十六號起離開香港。

現時係香港策騎既三十一歲騎師李寶利提前宣布與香港賽馬會解約，並於今個月十六號起離開香港。呢位兩屆意大利冠軍就話係香港策騎比較平淡，而且好耐冇贏過一級賽，希望離開香港接受新挑戰。

消息指佢將會啓程前往美國加洲，並會搵Ron Anderson成為佢既經理人，方便佢係美國尋找座騎。呢位經理人係美國前領騎師羅沙里奧既經理人，相信佢可以幫李寶利搵到唔少優質座騎。

Ron Anderson就話促成今次合作係因為騎師戴圖理幫手推介。戴圖理話李寶利希望到美國策騎，並希望Ron Anderson可以成為佢既經理人。而且李寶利既美式騎法亦有助佢適應美國賽事。Ron Anderson仲話李寶利係世界級騎師且並冇壞習慣，佢非常期待同佢合作。

呢位意大利藉騎師曾經係意大利、法國、日本及香港等地長駐或客串，今次前往美國會為佢職業生揭開新一頁。祝願佢能夠成功，或者有一日佢策騎美國代表出戰HKIR再同香港馬迷見面。佢最快將會於十二月廿六號，聖雅妮塔既揭幕戰中上陣。

Source: thoroughbreddailynews