【未能說服牌照委員會 郭能將舉家回英】

Homan

承今早報導( https://bit.ly/2Pya7A7 ),騎師郭能出席今朝既牌照委員會會面後,牌照委員會公布有關騎師郭能既決定。

//決定即時暫停郭能現時的2020/2021年度馬會騎師牌照,直到今個馬季結束。郭能有權就牌照委員會此項決定向馬會董事局提出上訴。//

但牌照委員會並未就此交代有關事件始末。當初郭能因2月3號晚既態度問題而被傳召,據SCMP報導,郭能當時不同意競賽小組的決定而據理力爭。研訊室內有董事於過程期間感到不受專重。但至今當晚研訊室內所發生既事情,郭能既態度究竟有幾差,仍然未被大眾所得知。

而據新報報導,郭能雖然連道歉信都寫埋,但都未能說服牌照委員會。佢表示不會上訴,並準備舉家番回英國。而由於香港馬會既停賽令適用英愛地區,若郭能需要於當地上陣就必需於香港馬季後,即今年既七月十四日之後。

事件去到呢度看似暫告一段落,但牌照委員會從未就郭能當時態度加以描述,除左從郭能口中所言「我當時冇講粗口」外,大家根本唔知道當時發生咩事,而牌照委員會基於咩標準啓動14(2) 及決定罰則更不得而知。若持續模稜兩可的處罰模式,或許對於希望來港長駐騎師有所卻步。

Source: HKJC, 新報, SCMP
Photo: HKJC