【未打齊疫苗】告東尼方嘉柏未能於閉門戰篤師

Homan

11 January 2022, 6:48:07 am

馬會早前公布未來三期賽事將會閉門作賽,只允許職員、馬會幹事、持牌人士及為賽事進行必須在現場工作人士入馬場。政府喺批准有關決定時,表示所有入場人士都需要事先接種兩劑疫苗。

基於有關決定,有兩位練馬師將不獲准許喺黎緊嘅至少三期賽事入場篤師。佢地分別係告東尼同方嘉柏。據SCMP報導,告東尼早前已接種第一針,將會於稍後接種第二針。而方嘉柏並未接種疫苗。報導就未有交代方嘉柏會唔會稍後接種疫苗。方嘉柏亦曾於IJC賽夜,因未接種疫苗而被拒沙圈之外。

馬會重申只有少數職員未有接種疫苗。而兩個馬房嘅臨場指揮將會交由副練負責。告東尼會喺今個星期三有七駒上陣;而方嘉柏則有八駒列陣。

Source: SCMP
Photo: HKJC