【最緊要係有個好師父】佐々木世麗刷新兵庫県競馬新人年間最多勝紀錄

Ramos

9 September 2021 at 9:03:26 am

今年四月出道，兵庫県首位女騎師，18歲見習生佐々木世麗，今日喺園田競馬場第八場泥地1400米賽事，策騎Tokei Menimo Miyo (トウケイメニモミヨ)，馬兒更佩戴著代表佐々木世麗綵衣的頭套出賽，自9檔起步後迅速埋欄領放，入直路帶離五個馬位輕勝，勝出其策騎生涯中第45場頭馬，並打破3年前由騎師石堂響所持的44場兵庫新人年間最多頭馬紀錄。

及後於第10場賽事，JRA交流賽冰之山特別，策騎中央所屬賽駒 Perfume Ribbon，同樣以放頭戰略，在賽事中一放到底而回起孖，並繼續將紀錄更新。

出道只有五個月左右，作為首位兵庫県女騎師，能夠站穩陣腳絕不容易，當中付出不少的努力，其師傅新子雅司是兵庫県的前領練馬師，佢亦將不少的經驗毫無保留地教授徒弟，更不時與佐々木世麗一齊進行體能訓練，見證住徒弟一日一日進步，作為師傅嘅佢當然倍感高興。

佐々木世麗至今策騎的代表作，相信會係由師傅訓練的Tagano Oboro (タガノオボロ)，這匹賽駒在她胯下取得五連勝。

而年間女騎師最多頭馬紀錄，由名古屋，元·女騎手—山本茜所持的66場紀錄，睇睇佐々木世麗嚟緊嘅時間可唔可以打破呢個紀錄喇。

Source: NAR
Photo: 當地直播截圖