【最後一個日本客串週末 希威森預告下年再見】

Homan

現時係日本客串既南非騎師希威森,客串埋今個星期就會暫別日本。

今個為期兩個月左右既客串期,上陣131次合共取得14冠14亞13季,上名率約三成,頭馬就則約一成左右。而佢更有一場二級賽頭馬,其成績尚算不俗。今個星期會有十九匹座騎送行,當中會於二級賽青葉賞策騎Authority(オーソリティ)。

不過,佢自己就唔多滿意客串表現,對日本傳媒表示希望可以贏得更多頭馬。佢話自己下年都會去日本客串,到時希望可以係日本馬迷前作賽!

三月尾既時候,佢就同法國騎師麥晴欣、地方騎師關本玲花及鴨宮祥行出席左炎の体育会TV既錄影,挑戰唔同類型同賽馬有關既遊戲。節目到時會係5月9號於日本TBS播放,記住唔好錯過喇!

Source: サンケイスポーツ