【最佳年長雌馬】「唯獨愛你」出席引退儀式 首胎配種對象初步確定

上年喺香港盃完成有終之美嘅「唯獨愛你」（Loves Only You，ラヴズオンリーユー）琴日喺東京競馬場出席退役儀式（相關片段：https://www.youtube.com/watch?v=VDd4LVaeu4A）

「唯獨愛你」為2021年日本最佳年長雌馬，上年喺香港贏得女皇盃及香港盃，及於美國贏得育馬者盃雌馬草地大賽，合共三項一級賽。琴日東京競馬場有近4900馬迷出席佢嘅引退儀式，歡送呢匹出色嘅雌馬。

有別於「鐵鳥翱天」（Contrail，コントレイル）嘅引退儀式，今次「唯獨愛你」並非由練馬師矢作芳人策騎出沙圈，鞍上人係騎師川田將雅。而「唯獨愛你」就披上育馬者盃雌馬草地大賽嘅號碼布。

矢作芳人就話「唯獨愛你」退役好似嫁女咁，而川田就話除左感謝之外就無其他喇。「唯獨愛你」將會運往北海道安平町Northern Farm任配種母馬，如無意外會與「神威啟示」（Epiphaneia，エピファネイア）配種。

Source: サンケイスポーツ
Photo: 退役儀式截圖