Homan

1 July 2021 at 11:35:32 am

法國騎師麥晴欣今年主力留於歐洲策騎，不時見到佢於法國、意大利及德國上陣。

單計於法國今年暫時只得十一場頭馬，不過佢今年於杜拜金盃策「森裡寶」（Walderbe）獲得亞軍。而且黎緊佢會於德國漢堡上陣，將於今個星期日策Nacido出戰德國打吡大賽。今次將會係佢首次於當地打吡賽中上陣。麥晴欣上仗該駒於表列賽跑入季軍，今場雖然不受注目，但佢自己覺得Nacido容易策騎，有一定機會。

麥晴欣一直希望可以於日本策騎上陣。今年佢原獲JRA短期騎師牌照，但礙於疫情未能前往。佢表示希望可以日本稍後可以開關，等佢可以趕及報考9月份既JRA長期騎師牌照考試。在等候結果期間，佢或可以於地方競馬協會（NAR）客串。

不過現時當地疫情不明朗，佢就話就算今年去唔到，下年都希望可以到當地考牌及客串。麥晴欣現年25歲，相信仲有一段時間可以試下。佢話自己希望可以到唔同國家策騎，但佢相當熟悉日本賽馬氣氛，而當地亦給予佢唔少機會，佢相當掛住日本，希望能盡早成行。

Source: horseracingplanet.com
Photo: Courtesy of Frederic Spanu